Уважаемые учителя родных языков!

[Ралюза Габпасова]

Башҡорт теле- 3 класс. 18-се дәрестең 3-сө күнегеүен асып ҡарайыҡ. Уҡыусыларға эш аңлатыла. Бер уҡыусы компьютер янына килә. Өйҙә башҡарған эштәрен һанап, курсор ярҙамында күрһәтә бара. Һәр бала компьютер менән эшләп ҡарарға теләй. Эш барышында улар һөйләмдәрҙе уҡый һәм хәтерҙә ҡалдыра.

[Ралюза Габпасова]

Тағы бер ҡыҙыҡлы эш төрө. Ул 19-сы дәрестең 3-сө күнегеүе. Бер баланың тыуған көнөнә меню төҙөргә тәҡдим ителә. Уҡыусы аш-һыу исемдәрен әйтә. Уҡытыусы курсор ярҙамында күсерә бара һәм уҡыусылар экранда һөҙөмтәне күрә. Был эште бер нисә тапҡыр ҡабатларға була.

[Ралюза Габпасова]

21-се дәрестең 1-се күнегеүенә иғтибар итегеҙ. Бында әкиәт бирелгән. Әкиәтте уҡып, текст буйынса эшләгәндән һуң, рефлексия өлөшөндә электрон дәреслек менән эшләйбеҙ. Балаларҙың яуабына тап килгән һөйләмдәрҙе уҡытыусы билдәләй. Яуап дөрөҫ булһа, Йәшел төҫ, дөрөҫ булмаһа, ҡыҙыл төҫ асыла.

[Ралюза Габпасова]

25-се дәрестең 5 – се күнегеүе.
Башҡортостандың ете мөғжизәһен һанап сығығыҙ. Ә хәҙер экранға иғтибар итәйек. Бында һүҙҙәр генә бирелмәгән, уларҙың һүрәттәре лә бар.

[Ралюза Габпасова]

Быларҙан тыш бирелгән һүҙҙәр буйынса һөйләмдәр төҙөү, тексты редакторлау, һәм башҡа эштәр башҡарып була. Шулай уҡ балаларҙың һөйләү телмәрен үҫтереү мәлендә лә электрон дәреслектәрҙе әүҙем ҡулланырға була. Компьютер менән эш иткәндә уҡыусынан төплө белем генә түгел, ә үҙ эшенә аңлы ҡараш, тулыһынса аңлатма биреү, логик фекерләү, сағыштыра белеү талап ителә.

[Ралюза Габпасова]

. Компьютерҙы дәрестә ҡулланыу уҡыусыларҙа ҡыҙыҡһыныусанлыҡ, предметҡа ҡарата һөйөү тәрбиәләп кенә ҡалмай, ә уға төплө белем бирергә лә, тирә-яҡты танып белергә, логик фекерләүҙе үҫтерергә лә ярҙам итә.

[Лилия Фандусовна]

Башҡорт теле дәрестәрендә электрон дәреслектәрҙе дәрестең төрлө этаптарында да ҡулланып була: дәрес башында артикуляцион күнегеүҙәр башҡараһыңмы йә яңы тема аңлатаһыңмы, йә өйгә эште тикшерәһеңме, йә һүҙлек һүҙҙәрен үҙләштерәһеңме, йә уҡыусыларҙың белемдәрен нығытаһыңмы, йә дәрескә йомғаҡлау яһайһыңмы. Үҙ эшеңдә интернет, электрон дәреслектәр ҡулланғанда уҡыусыларҙы башҡорт теле дәресенә йәлеп итәһең. Улар башҡорт теле дәрестәрен көтөп аласаҡтар һәм башҡорт теленә ихтирам артасаҡ.

[Лилия Фандусовна]

Хөрмәтле, коллегалар! Башҡорт теленән ойошторолған ошондай фәһемле форумдар миңә бик оҡшаны. Беҙ был форумда ҡатнашып, беренсенән, башҡорт теле дәрестәренә ҡарата һөйөү уяттыҡ, икенсенән, тәжрибә тупланыҡ, өсөнсөнән, дәрестәрҙә төрлө алымдар менән эш итергә өйрәндек. Тағы ла башҡорт теленән ошондай мауыҡтырғыс форумдар булып тороуын теләйем. Ҡәҙерле уҡытыусылар, һеҙҙең эшегеҙҙә ижади уңыштар, аҡыллы уҡыусылар, таҙалыҡ,ғаилә бәхете һәм имен тормош теләйем!

[Гульмира Ямиловна]

9 класта ( боронго, урта быуаттар осоро ) башҡорт әҙәбиәте материалы уҡыусыларға үҙләштереү өсөн ныҡ ҡатмарлы. Ошо осор әҙәбиәте өлгөләре DVD форматта сағыу биҙәлешле булһа, эште күпкә еңеләйтер ине. Бөгөнгө көндә булған электрон ҡулланмалар ғына аҙ, тип уйлайым мин.

Һеҙҙең менән килешәм! Киләсәктә, ысынлап та, 9-сы класта өйрәнелгән ошо осор буйынса ҡыҙыҡлы мәғлүмәттәтле, йөкмәткеле материалдар көтөп ҡалабыҙ!

[Гульмира Ямиловна]

Форумда ҡатнашыусыларға ҡайнар сәләм! Тәү сиратта интернет-конференция ойошторған өсөн мәғарифте үҫтереү институтының башҡорт теле кафедраһы хеҙмәткәрҙәренә оло рәхмәтемде еткерәм. Телебеҙҙең киләсәге уҡытыусылар ҡулында, тип әйтһәм хаталанмаҫмын. Башҡорт теле дәрестәрен юғары кимәлдә үткәрәм тиһәң, әлбиттә, яңы технологияларҙан артта ҡалырға ярамай. Интернет селтәрҙәрен, электрон һәм дистанцион белем биреү мөмкинселектәрен ҡулланыу дәрестең бәҫен, кимәлен күтәрә. Урыҫ мәктәптәре өсөн сығарылған электрон дәреслектәр уҡытыусылар өсөн оло ярҙамсы булып тора, әммә милли мәктәптәр өсөн шундай дәреслектәр кәрәк. Элгәре сыҡҡандары китаптың күсермәһе генә, унан файҙа юҡ. Республикабыҙҙа алдынғы, ижади эшләгән уҡытыусылар күп, милли мәктәптәр өсөн электрон дәреслектәр эшләргә кәрәк ине...

Ысынлап та, республикалағы алдынғы ҡарашлы уҡытыусыларҙың эш тәжрибәләрен ҡулланып,яңы элктрон дәреслектәр өҫтөндә эш башланһа, бик яҡшы булыр ине! Беҙгә яңы электрон дәреслектәрҙе заман талап итә.